My dear Computer!

مرحبا جميعا..

صج صج انما الأعمال بالنيات.. سئلوني ليش؟

هـــــــــــــــــــــــا سألتوا ليش..

أنا اقولكم ليش

أول ما توظفت حطوني بادارة ما ابيها.. لكن صبرت على الظيم الي هناك و أكرف كراف الشر و كنت اتنقل من كمبيوتر لي كمبيوتر ..

!!الى ان يابولي كمبيوتر جديد بعد 6 شهور

بس انا من داخلي كلش مو مرتاحة من طبيعة الشغل و عيني على ادارة ثانية و قعدت افكر مدة شلون اقدر انتقل، لأن مسؤولي وايد شاد الظهر فيني و مشتط و مو مصدق اني شاغولة و افهمه من اول ما يقول المعلومة

المهم شاء الرحمن ان وحدة من الادارة الي ابيها تبي تنتقل ادارتي.. و ادارتها يبون احد ياخذ مكانها.. فهاذي كانت فرصتي و صارت و لله الحمد طبعا بعد معاناة مع مسؤولي

طبعا هذا كان مقدمة للموضوع الاساسي الي هو،

ان الموظفة الي يت ادارتي يابت وياها كل أغراضها بما فيهم الخط و الكمبيوتر

و في المقابل انا مو راضين اخذ جهازي!!!

المهم حاولت بشتى الطرق اني أخذه ماكو فيدة عصلقوا علي

و عذرهم ان الجهز عهدة على الادارة و ليس الموظف و

blah blah blah

انا استسلمت و قلت ما يسوى اسوي هوليلا على كمبيوتر يا علهم الفقر

قلت استخدم جهاز قديم مال موظف ماخذ اجازة طويلة على ما يطلبونلي جهاز يديد

بعد فترة .. دق علي مسؤولي القديم يبي My login and password

فوق شينة قوات عينة

و انا بكل سذاجة عطيته عشان يستخدمون جهازي

و كنت حدي محترة و اقول يا ربي عطني على نيتي

____________________

أمس يمر علي واحد من

IT department

هو: وين جهازج ؟؟

أنا:(حدي محترة ) مو راضين يعطونياه

هو : شكو! مو بكيفهم هذا عهدة عليج

أنا: بعد شسوي ، انذليت و انا ادابج، ما بقى احد ما عرضت ويهي حقة و اندقر، فا ألحين اطلبولي جهاز يديد

هو: بيـــــــــــــــــــــــــــــه ، جهاز يديد ياخذ مدة طويلة على ما اييــــبونة و حتى لو ايي ما راح يكون باسمج لأن اساسا عندج كمبيوتر بأسمج

!!أنا: انزين شسوي الحين

هو: انا الي بسوي صبري علي شوي

أنا: (بيني و بين نفسي، سبحان الله شلون ربي سخره لي و انا ما تحجيت و لا قلتله!! و هو ياي يسلم بس(

رجع الريال

هو: انا كلمتلج الادارة المالية و أكدولي ان الجهاز لج، و الحين جدامي كلميهم و تأكدي و انا كاني ناطرج

أنا (اتصل على المالية):مرحبا اخوي ، قصتي كذا كذا

المالية: الجهاز لج و باسمج و تقدرين الحين تشلعين وايراته و محد يقدر يكلمج

أنا : (صكرتة و مو مصدقة(

هو: مو قلتلج

أنا: انزين الحين شلو؟؟

هو : ما عليج انا اتصرف

طبعا انا للحين مصدومة و ماني مصقة

___________________________

اليوم دق علي الشخص الي ياني امس

هو: ترى وصلنا السالفة حق ذروتها، كلمت المالية و كلمو ادارتج القديمة و قاموا يلفون و يدورون

و قالو ان في موظفين يدد و ان الجهاز لنا و و و

!!!لكن سكتوهم و ان شاء الله الجهاز عندج اذا مو باجر ، فالاسبوع الياي بالكثيـــــــــــــــــــر

أنا: والله صج!! مشكور و ما قصرت، ترى كنت غاسلة ايدي من السالفة

هو: لا افا عليج اختي، ما يضيع حق وراه مطالب

ابيــــه جد جد جد كنت فاقدة الأمل و مستصغرة نفسي اني اطالب فيه، لكن صج ربي ما يضيع !!

ربي لك الحمد على كل شي :)

أرضانا.. فارضى عنه يا الله

فتحت عيني على الدنيا و أنت ابوي.. انت بابا جابر..

ابتسامتك ما تفارقنا

نحس فيك و بحبك بكل بيت بدون لا تدش فيه..

يبه .. ولهانة عليك .. مرت سنة على غيابك ما مر فيها يوم بدون ذكراك

يبه .. للحين لما أمر على دسمان أئشر و أقول هذابيت الأمير.. هذا بيت بابا جابر

ولأنك ما غبت عن قلوبنا، انسى انك غبت عن هالبيت.. و غبت عن الديرة.. و غبت عن الدنيا..

يبه فقدنا حنانك

فقدنا حبك

فقدنا بركة وجودك

فقدنا بشتك الي كان مغطينا و حامينا

!يبه فقدتك

طول عمري .. اتمنى اشوفك و اقعد معاك.. بس مر العمر.. و شاء القدر ان ما يجمعني فيك بالدنيا، لكن أسأل الرحمن عز و جل ان يرحمك

و يرحمنا برحمته و يجمعنا وياك بالفردوس الاعلى

أميـــــــــــــــــن

يبه .. تراك كفيت و وفيت

و محلل ثم محلل ثم محلل

اللهم اجعل قبره روض من رياض الجنة

ولا تجعله حفرة من حفر النار.. انك ارحم الراحمين

محــتــــاج لهــــــا

..مرحبا جميعا

وايد احب
محتــــــــــــــــــــــــــــــــــــــاج لهــــــــــــــــــــــــــــــــــا



أغنية حدها مزاج و

Lawyer أقترح على اختي

أن تستوحي منها قصة باسلوبها المفصل الجميــــل

هالاغنية مليئة بالاحاسيس الجميلة الي تتمناها كل امرأة من حبيبها\زوجها


!الاغنية قديمة .. بس ما ينمل منها

ابدع فيها عبدو

غناها بكل احساس

كما ابدع في تسطيرها الكاتب بدر بورسلي

:اليكم كلماتها

محتاج لها .. تروي حياتي بهمسها

هي الحياة بالنسبة لي..

بحلوها و بمرها..

محتاج لهـــــــــــــــــــــــــــــا

لا شفتها قلبي خفق و عمري نطق

اردد بنشوة اسمهـــــــــا

و اخذني فووووق

هذا الي خذتو منها

أمشـــــــي بشــــــوق

و أحكي بشــــــــــــوق

و أسكت بشـــــــوق

دايم أخايل رسمهـــــا

هي الحياة بالنسبة لي .. هي الحياة

بحلوها و بمرها

محتاج لهـــــــــــــــــا

محتـــــــــــــــــــــــــاج لها

تقــــــول يا عمـــــري تعـــــــال

تاخذني في جنح الخيال

و اطير أطير.. من فرحتي أطيــــر

يا دنيتي أطيــــــــــــــــر

ما أبغى شي .. ما أبغى شي

كــــــافي علييي كلمة

أحـــــبـــــــــــــــــــــــــــــــــك

!بالعدال

هي الحياة بالنسبة لي .. هي الحياة

بحلوها و بمرها

مجتــــــــــــــــــاج لـــــــهـــــــــــــا

و شكرا :)

Couple mirror

Do we call it LOVE?

Happy New Year.. 2007

لبيك اللهم لبيك.. لبيك لا شريك لك لبيك
ان الحمد و النعمة لك و الملك.. لا شريك لك


كل عام و انتم بخير

عيدكم مبارك

Judgmental Mirror..

..مرحبا جميعا

تكثر في الكويت مسطلحات السخرية هالأيام

و خصوصا كلمة هلاقـــــة و تندرج تحتها الكلمات الاتية و هي:
..هيلق، هيلقي ، هيلقية، بو هلاق، هللقني الخ

هذه الكلمات ممكن ان تطلق على سيارات ، أشخاص ، أماكن .. على أي شيء

!و المشكلة ان كل فئة أو كل مجموعة تطلق على المجموعة الثانية هذه المسطحات
!!الى ان ضاعت الصقلة و لم نعرف من هو الهيلقي بالضبط

الي بوصله في الموضوع، ان ليش نطلق على بعض هذا المسطلح؟؟؟
و ما معنـــــــــــــــــــــــــــاه أصلا؟؟؟؟

أنا عن نفسي ، قاعدة أحاول أن أكف عن استخدامه
لأن أحس فيه سخرية و استصغار للشخص أو المكان

We're in an extremely judgmental society!!

اسمحولي ماني لاقيتلها معنى بالعربي
بس جد احنا في بلد نحكم على الشكل و الاسم و و و و

انزيـــــــــــــن ويــن المضمووووون؟؟


و هم هذي الكـــــــــويــــــــت صل على النبي

..مرايا المجتمع

..اقتباسا أو استكمالا لما جاء في مدونة الأخت عشتو

___________________________________

الأصيل و المو أصيل

نجدي حساوي

عراقي عيمي

كندري فودري

سني شيعي

...............................

!بــــــــــــــــــــــــــــــــــــــــــــــــسسس والله دخنا

!يا ناس احنا بديرة صغيرة وايد ما تتحمل كل هالتفريقات

انزين و بعدين؟؟ مو بالنهاية خرجة بيضة بتلفنا و نندفن تحت الأرض؟؟ كلنا سواسية

مو كلنا نحج مع بعض و نلبس نفس اللبس؟؟ اذا ربنا و دينا يساوينا، احنا منو عشان نفرق نفسنا؟

ليش نرضا على نفسنا نصير نفس الجاهلية الأولى و ربي كرمنا بدين يساوينا و يفضلنا بالعمل الصالح؟

..ادري فجئة صرت دينة.. بس تعالو معاي نحلل مسألة الأصل الي معقدتني

......................................................

دائما أتساءل شنو الفرق بين الأصيل و الي مو أصيل؟

. يجاوبوني الأهل بأن الاصيلين هم الي ما اختلط نسلهم ، أي انهم ما تزاوجوا من السود او من عائلات لا يعرف لهم اصل معين أو أو أو

..أوكي اقتنعت نوعا ما

لكن ما بردت جبدي!! قام يتبادر الى ذهني سؤال ثاني، الان نجد الكثير من العائلات الأصيلة و العريقة تناسبوا مع عائلات مو أصيلة ، هل معناته انهم ما عادو اصيلين؟؟

مثلا، الشيوخ عندنا .. وايد تزاوجوا مع السود و طلع منهم اجيال مختلطة، هل معناته انه اخترب نسلهم و ما عادو أصيلين؟؟

..وفي امثلة كثيرة .. الشاهد من الموضوع انه المسألة نسبية بالنهاية و كل واحد يشوف نفسة اصيل

اكتشفت ان مو بس انا الي عندي هالتساؤلات عندما كنت اتناقش مع شخص عزيز علي و عطاني هذا اللنك

http://www.ansab-online.com/phpBB2/showthread.php?t=7521

عموما هذا الموضوع يطول النقاش فيه و ادري اني ما راح اوصل حق خلاصة متفق عليها.. بس حبيت أشارككم بتساؤلاتي الي اعاني منها أنا و العديد من الفتيات في هذا المجتمع الي بدأ يصير مزعج

الناس وصلت القمر و احنا للحين نسأل عن الأصيل و البيسري

ليش ما نصير كلنا كويتيين و بس؟

مو هذي البلد الي تجمعنا؟؟

!احنا نولدنا و وعينا على الكويت و بس

و هذي الكويت صل على النبي

The Road Mirror!

..مرحبا جميعا
أنا ناوية و مخططة اكتب بوست و عندي موضوع مهم..
.. لس أجلتة ..
!لأن الموضوع الي بقولة ما يتأجل، حلاته بحرررة

!اليوم الضحى و بما أن الجو لندني و بديـــــــــــــــــــــــع و لا يقاوم
شفت جدامي سيارة باب واحد فيها بنتين و كاشفينها..
!و سرحت فيهم! و الف فكرة و فكرة يت على بالي
البنات ظليــمتهم شينة .. شكلهم ابدا ما كان ملفت كان شكلهم حيـــل عادي ..
بس ليش احنا بالكويت عندنا ما يصير البنت تكشف السيارة؟ليش نستغرب لما نشوفهم!؟
و ليش اذا الشاب كاشفها عادي ؟؟

يعني البنية لابسة و متسترة و ماشية بحال سبيلها..والجو صار حلو و اشتهت تكشف السيارة .. ايـــــه شنو المشكلة؟ ليـــــــــش عيـــــب؟؟
ليش ينظر لها نظرة غريبة؟



مادري شلون اشرح لكم بي عندي وايد علامات استفهام على الموضووع ؟؟؟؟؟

.....بس باترك الرأي لكم

The Main Mirror..

Hello EveryOne..

I had lots of ideas and subjects to start writing about, that was before i stopped at

"Salah al Sayer's" article at Alanba'a NewsPaper. i was speachless.. and realised

that it was so true! I always think of such issues, but never pictured it as he did in

the article..

I'll leave you with it:

لا تكفهر

صلاح الساير

ليس الفقر عبرة، ولا الجوع درساً، فتلك هي الحالة التي يولد عليها الانسان، فقيرا، عاريا، جائعا يبحث في صدر امه عن قوت يسد

جوعه، ليكبر الانسان ثم يموت، فلا يملك من ماله درهما واحدا، ولا يرتدي من ثيابه سوى خرقة تلف جثمانه، فالذي جاء فقيراً يعود فقيراً.

اما الغنى، والمال، والتخمة، فدرس عليك ان تعيه، فاذا مررت بقصر فخيم، او صادفت ثرياً عظيماً، فاحرص على ادراك العبر،

واستخلاص الدروس، فالسعادة لا توجد في خزائن الذهب، والفرح ليس مصدره اوراق البنكنوت، والرضى لا توفره الأرصدة المتخمة.

ابحث عن السعادة في الحياة، تعلم كيف تفرح من الداخل، ابتسم بوجه القسوة، ولا تكفهر، خذ الحياة ببساطة، غرد في دروبها، تذكر

كيف جئت، وكيف تروح، تُرخِ لك الدنيا عنانها، وتعش فيها غنيا، وانت الفقير.

Thank You

..حياكم الله في الخيمتنا

اهلا و سهلا فيكم و حياكم في مدونتي المتواضعة
و ارد و أقووووول.. Coming Sooooon

Comming Soon...