إسم الكويت أهم

مرحبا جميعا
أدري غطيت خــــــــــوش غطـة بس كـاني رديت و كنت متـابعة جيدة للمدونـات

مادري شفيني كنت أتعيز أكتب بوست

بس اليوم في شي لفت نظري و كان لي وجهة نظر فيه قلت لازم أكتبها

الشي هو تحلطم الناس على الزحمة هاليومين بسبب القمة الاقتصادية العربية
!!يا ناس هالشي من مصلحة الكويت ليش ما نتحمل شوي!! أقصاهم يوميــــــــن

شهالدلع الي فينا!يعني شتبون يسوون ؟ يخلون الشوارع مهيّة و يمرون يمنا مواكب الرؤساء عادي؟

و الا شنو يعني بفهم؟؟ هذي اجراءات أمنية لازم تتخذ و حظنا ان ديرتنا صغيرونة و طريجهم هو طريجنا.. شنسوي يعني؟ خير يا طير؟ ما نقدر نتحمل يومين؟
بالعكس المفروض نفرح و احنا طالعين و نشوف ان مؤتمر بهالحجم يصير بديرتنا. لازم كلنا نتعاون لإنجاح مثل هذه الاجتماعات و المؤتمرات

!طول ما هي ترفع اسم الكويت

.و هذا رأي المتواضع بعيدا عن أي توجه أو رأي سياسي

اللهم احفظ الكويت و شعبها من كل مكروه و أتم علينا نعمة الأمن و الأمـــــان

:I أدري اشتطيت