لبيــك اللـــهم لبيــك

لبيــك لا شريــــك لـك لبيــك

إن الحمـد

والنعمـة

لـك والمـلك

لا شريــــــــــــــــــــــك لـك

...مرحبا جميعا

في الفترة الي فاتت فقدت انسانة عزيزة على قلبي

من فتحت عيني على الدنيا و هي جدامي

حبيتها مثل محبتي لأمي

عدتني مثل بنتها و أكثر

كانت حنونة

طيبة

كريـــــــــــــمة جدا جدا جدا على الفقير و الغني

تدوس على نفسها و تعبها في سبيل انها ما تضايق الناس الي حولها

محد يذكر منها شي شين

لا من قريب و لا من بعيد

على الرغم من انها كبيرة في السن

الا اني عمري ما خطر على بالي انها راح تروح و تخليني

اللهم لا اعتراض.. أنا مؤمنة بقضاء الله و قدرة

بس للحين مو قادرة أستوعب غيابها عن الدنيا

ودي أعرف شقاعدة تقول روحها الحين؟

هل تحس فينا و الا لأ؟

دايما أدعي : الله يجمعنا معاها بالجنة و مع كل من نحب

..لأني جد ما شبعت منها

لو بتكلم عنها ماراح أخلص..

الله يرحمها و يوسع منازلها و يريها منزلها من الجنة

.

.

...و بعد أيام

توفى أخو صديقة عزيزة علي

...شاب بعمر الزهور

محترم خجوووول خلوووق

كلمن يحبة

شاء الله ان يقبض روحه و تنتهي حياته

تاركا الحزن و الألم بقلب ذويه و أحبائه

من بعد هالمصيبتين

الدنيا حيــــــل صغرت بعيني

ما عاد يهمني شي

وايد أشياء كنت أحسب لا ألف حساب، ما قامت تهمني

وايد أفكر و أتساءل.. شنو يعني ناس كانوا عايشين بيننا.. ماتوا؟ راحو!

!! ماراح أشوفهم مرة ثانية بهالدنيا

و بيني يوم و أصير مثلهم .. و أشوف الي حولي و أقول يا ترى منو بيروح قبل فينا؟؟

أفكر بموت الفجئة الي انتشر بهالأيام

صج لي قالوا انه أقرب من العيـــــــــــــن للحــاجــب!

(كل من عليها فان ويبقى وجه ربك ذو الجلال والإكرام )

يا ليـــــــــــــــت الناس تتعض..

الناس لاهية في ما عطاها ربها

ناس تتناحر في السياسة و لويتها

و ناس تبوق و عبالهم بعيشون مخلدين بهالدنيا

ما يدرون ان ممكن بغمضة عين كل هذا يروح

يالله حسن الختام و ارزقنا الصبر على كل بلاء

ما كان ودي أضيق خلوقكم

بس لازم الأنسان يصحى و يستوعب ان ماكو شي دايم

...و ان هذي الدنيا فـــــــــــانيـة

اللهم ارحم موتانا و موتى المسلميــــن

و اجمعنا بأحبائنا في أعلى الجنان

بصحبة نبينا محمد صلى الله عليه و على اله و صحبــه و سلــم

و احسن خاتمتنـــــا يا رب العالمين

و ثبتنا على قولك الثابت يا كريم

جعلنــا اللــــــــه و ايــــــاكم ممن تنـعم برحمتـــــــــــــه

و تبـــــارك بمغفرتــــــــــــه

و ختــــــــم صيــــــامه بعتـق من النــــــــيران

اميــــــــــــــــــــــن

مبارك عليكم الشهر

في هذه اللحظات

فتحت أبواب الجنة

و غلقت أبواب النار

و صفدت الشياطين

و نادى منادي

يا باغي الخير أقبل

ويا باغي الشر أدبر

فاستشعر فضل ربك

و اشخذ الهمة

و اعقد العزم

تقبــــل الله منــا و منــكم صــالح الأعمــال

و أعــاد الله علينــا و عليــكم رمضـان عامــا بعــد عــام

محـــاكمـة راشــــــــد

محـــاكمــة راشـــــــد
.
مسرحية هادفــة جـــــدا للاطفــال
.
يتني دعوة لحضور الافتتاح اليوم
.
المسرحية ترسخ بعض القيــم الاخـلاقيــة الي محتاجينها هالايام للاطفــال
.
هي لها علاقة بالترشيـــد
.
ولو اني ضــد الحملة، لكني ضد الاسراف بنفس الوقت و هذا الشي لازم نعلمه عيالنا من الصغر
.
المسرحية تونس وايد و كوميدية للاطفال
.
أنصح الي عنده يهال من سن السنتين و طالع يوديهم
.
و اتمنى انها تعجبكم مثل ما اعجبتني :)

FREE BASHAR AL-SAYEGH

BASHAR IS FREEEEEEEEEE

.

مبروووووووووووك علينــــــــــــــــا

ارفع راسك يا بشـــــار ... كل الكويــت

.

عليــــك تغــــــــار

.

.

ارفع راسك يا بشـــــار ... كل الكويـت مع

.

ابنها البــــــــار

.

نحن و مكتبك في انتظارك

صورة لعراقيين بعد فوز منتخبهم

!!!!!!!!يعني متى بصيرون اوادم

WE WILL NEVER FORGET!

2/8/90 - 2/8/2007

الخميس الأسود

اللهم امنا باوطاننا

و احفظ لنا نعمة الأمن و الأمان

و ارحم شهدائنا

حفظ الله الكويت و شعبها من كل مكروه

Fwd email

!!!يختي على الي يستحــــــون

isn't he Cute??:Pp

دعوة لحضور التجمع الشعبي

.

.

لرفض تعديل قانون عمل المرأة

.

.

يوم الاحد 24 \6 الساعة 7 مساءا

.

.

في الجمعية الثقافية النسائية - الخالدية

The TREND!

* الهــبّــــــــــــة*

كنت اشوفه على اليهال و مادريت انه في منّه حق الكبار

لين هذاك اليوم شفته على رفيجتي جان أنهبلللل

عاد ما قصرت تنقصتلي و يابته

حدددددده مريح

جني طايرررة

How to be a MILLIONAIRE?!

دايما أسأل نفسي هالسؤال

(شلون و متى أصير مليونيرة؟)

انزين..

بعدين سألت نفسي ليش دايما أفكر بهالأسألة؟؟

ألقى ان الدنيا شابة ضوووووووو.. كل شي غالي..

السوووق نار و شراررر

رايحة من جم يوم ادور بدلات حفلة بكل رهات

خبركم الحين موسم عروس و الكويت صغيرة يعني الكل ينعزم على كل العروس

فما يصير تنعاد البدلات وايد!!

المهم..البدلات قاموا يبدون من 1000 دينار و طالع

اللهم يا كافي ما قامو يتكلمون بأقل من 1000!!!

لا و اذا في بدله بأقل من هالسعر تلقونها دااااااااااااااااااااثرة

نادر ما تصير بدلة حلوة

حتى الجمعية صارت غالية.. أذكر أول واحنا صغار ناخذ نص دينا و نشّري فيه الدنيا و الدين

ألحين بسكوت ب 700 فلس!!

لا و المصيبة اذا زادوا المعاشات .. زادوا اسعار السلع.. شالفايدااااااااااا!؟

كل شي غــــالــــــــــــــــــــــــــــــــــي

الأراضي و العقارات ضاربة بالعلالي

يعني وين نسكن؟ وين نروح؟ وين نولـــــــــــي؟؟؟

!!!!لذلك .. أنا قررت أن أصبح مليونيــــــرة

:بس السؤال هني

ليش بالكويت.. ممنوع أحد يبني نفسه و يصير غني حاله حال الكبارية؟

ليش الكبارية يبون يكوشون على المشاريع الصغيرة و الكبيرة؟؟؟

ما يسألون نفسهم شلون يتهم هالثروة؟؟

لو ما تعب ابائهم و ان بدوها من الصفر ما كان وصلوا هالمواصيل

(هذا اذا احسنا النية و قلنا ان ثروتهم حلال ان شاء الله)

___________

هل من السهل ان يصبح الشخص مليونيرا في الكويت؟؟؟

و كيف؟؟؟

ليــــــــــــــــش التظــــهول؟؟؟

موجة غبار كثيف تربك الكويت

GMT 9:30:00 2007 الجمعة 18 مايو

عامر الحنتولي من الكويت: لليوم الثاني على التوالي، أربكت موجة الغبار الموسمية الحادة الحياة العامة في الكويت فيما يتوقع خبراء الأرصاد الجوية ان تصحو الأجواء خلال الساعات المقبلة.
وتوقفت الرحلات الجوية - إقلاعا وهبوطا - في مطار الكويت لأكثر من تسع ساعات أمس بسبب انعدام الرؤية الناتج عن موجة الغبار على مسافة أبعد من مئة متر.
و استنفرت غرف عمليات وزارة الداخلية ووزارة الصحة بسبب تسجيل المئات من الحوادث المرورية على الطرقات في العاصمة والطرق الخارجية التي انعدمت فيها الرؤوية تماما، فيما تولت الدوريات الأمنية الكويتية ارشاد السائقين اللذين تقطعت بهم السبل داخل سياراتهم حينما ازدادت حدة موجة الغبار الذي حل بشكل مفاجئ مساء الأربعاء.
وعاشت العاصمة الكويتية أمس حالة من الإرتباك والشلل حيث أغلقت المطاعم أبوابها والمحال ومراكز التسوق الكبرى وخلت الشوارع والطرقات في الكويت من المارة والمتجولين في يوم تخصصه الأسر للترفيه والتسوق على اعتبار ان اليوم التالي الجمعة هو يوم العطلة الأسبوعية، حيث لزم البشر أماكن سكناهم في الوقت الذي استقبلت فيه المستشفيات في العاصمة الكويتية مئات الحالات من الإختناق لمرضى الربو والحساسية الصدرية.

.المصدر: مجلة ايلاف الالكترونية

:تعليقي

ليش التظهول * ؟؟؟

شدعوة !! انا امس اصلا ما قعدت بالبيت.. شاخطة من البدع لي الديرة

و من الديرة لي السالمية- مرينا

و من السالمية لي الديرة مرة ثانية!!!!

و العالم كلها بالشوارع و عـــــــــــــــــادي!!

شسالفة الصحافة.. شيبون؟

!!!حسافة على ايلاف.. بدت تخورة هاليومين

.تظهول : المبالغة الشديدة في الشيء*

Griffin & Phoenix

الفيلم حلووووووو

رومنسي لأبعد الحدود

لكنه كئيــــــــب جدا جدا...

بس على كثر ما بكيت و انقمت قلبي..

على كثر ما استفدت منه!!
يعني اول ما طلعت من الفيلم قلت صج صج

... LIFE IS SHORT!!!!

حسسني بقيمة الايام و الزمن الي نعيشة ..و انه لازم نستفيد من كل لحظة تمر علينا..

ما ودي أحرق الفلم على الي ما راح.. بس نصيحة

الي ودة يروح له، لا يروح يوم يمعة لأنه جد يقمت

!!كافي اليمعة قثيث استغفر الله

في بعض الماخذ على الفلم،

الابطال فاجيــــن و باردين بالاداء..

بالرغم من ذلك.. وصلني احساسهم و حبهم..

:اليكم بعض الصور من الفيلم

بطلة الفيلم : Amanda Peet

البطل : Dermot Mulroney

تنحط عالجرح و يبرى

القلب سلم لك أمره .. في حالتي انت ادرى

ياللي حنانك و طيبك

تنحط عالجرح و يبرى

شفاف يا نور عيني .. حبوب قلبك يبيني

زهرة شبابي و سنيني .. تفداك ألفين مرة

الــلــه لمــــا تتكلم كأنــك تــغني تتــرننم

و الورد منـــك تعلم.. و الشعر يضيـــــع شعره

القلب سلم لك أمره.. في حالتي انت ادرى
ياللي حنانك و طيبك
تنحط عالجرح و يبرى
شفاف يا نور عيني .. حبوب قلبك يبيني
زهرة شبابي و سنيني .. تفداك ألفين مرة

حنــــــــون ربـي يصونك في طيــــبتك في عيونك

دنيــــــاك حبي و كونك يا طيـــب عمري و يا عطره

القلب سلم لك أمره.. في حالتي انت ادرى
ياللي حنانك و طيبك
تنحط عالجرح و يبرى
شفاف يا نور عيني .. حبوب قلبك يبيني
زهرة شبابي و سنيني .. تفداك ألفين مرة

فديــــــــت صوتك فديــــتك.. شفتــك عشقتــك هويتــك

يالــــيت تدري ياليـــــــتك غلاك يا كبر قـــدررره

القلب سلم لك أمره.. في حالتي انت ادرى
ياللي حنانك و طيبك
تنحط عالجرح و يبرى
شفاف يا نور عيني .. حبوب قلبك يبيني
زهرة شبابي و سنيني .. تفداك ألفين مرة

..هذي اغنية من البوم راشد الجديد وايد حبيتها

http://gulf.salmiya.net/songs/rashed/ram/rashed314.ram

SMS

وصلني مسج من يومين و عجبني و ريحني كثيرا لدرجة ان مو قادرة امسحه و كل يوم اقرأه

>

>

>

الدنيـــا مسألــة حسابيــة

خـذ من الأمـس عبــرة

و مـن اليــوم خبــرة

اطرح منـهم التـعـب و الشقـــــاء

و اجمـع عليـهم الحـب و الوفـــاء

و اترك الباقي لرب السمــــــــــــاء

BLACK and WHITE Resturant !!

بحمد الله و رعايته تم افتتاح مطعم صجي و من صجة في جمعية قرطبة
و صارت هالجمعية الفقيرة الي كلمن يذم فيها و يقول عنها تشبرة مثل العالم و الناس
و صارت تقدر تحط راسها براس

جمعية الشامية(على سبيل المثال و ليس الحصر) .. لا أخفي عليكم

مدى سعادة أهالي المنطقة في هذا
الانجاز.
Johnny rockets يا جماعة الخير المطعم من طقة
Casual و أكله لذيذ و قعدته هادية و حده

ما أطول عليــــــــــكم ...

هذاك اليوم راحت رفلكشن مع صديقاتها..

و اذا بالستاف متنكر بنظارات السبعينات..

طبعا احنا غشينا من الضحك لأنهم وايد عاشين الدور
و كان ظلمممممممممممممة و النظارات سودة..
و ياااااااااالللله يشوفون طريجهم ..
مسخرة كان وضعهم لوووووووووووووووووول

فأبيت الا ان اصورهم و انقل لكم البث الحي

أترككم مع الصور

!!! BLACK AND WHITE.. يرحب بكم

لووووووووووول هني شرطت على المدير انه يدش معهم داخل الكاونتر
لا يطوفكم شلون مرتز.
تقفون شوفو العصل الطويل الي واقف ورى
هذا مصري (العربي الوحيد بالستاف) شوفوا الحركه العبيطة الي مسويها
!!عرب ماكو فايدة

بس كله كووووووووووووووووووووم و

الزلوووف كووم ثاني..

ذابحينيي زلوف ألفس برسلي الي نازلين من النظارة
لووووووووووووووووووووول

ملاحظة: في الايام القليلة القادمة سيتم توزيع هذه النظارات مع الوجبات،

الحق لا تلحق شكله بصير طق مطاقق عقب هالبوست لوووووووول

أخبار سياسية واقتصادية عبر الموبايل - KUWAIT NEWS

خدمة عبر الرسائل القصيرة للمهتمين بالأخبار

"السياسية والاقتصادية المحلية"

لمشتركي شركة الاتصالات المتنقلة

.

.

التغطية ممتازة لجلسة مجلس الامة *

.

.

لهم الأسبقية في الأخبار *

.

.

. الخدمة مجانية حتى شهر مارس 2007 *

.

.

.

.

..موقع الخدمة

http://www.kuwaitnews.mobi

..للحرية أخلاق

الله بالخير..


بقولكم شي صادفتة بالمرينا كريسنت.. و وايد استنكرته

كنت قاعدة الاسبوع الي فات في احد المطاعم.. و الا يمنا طاولة فيها 4 أشخاص، منهم 2 رجال و شكلهم من احدى بلاد الشام،

و وحدة لبنانية مادري سورية .. و رابعهم كويتي.. مغتر و رزة.. بس تصرفاته غريبة... يعني رقله!



اكيد بتقولون شلون رقلة!!.. انا اقول لكم..

الريال طايحلة ضحك و بصوت عالي.. و تعليقات مالها معنى و يحاول ينكت.. و طايح طيحة بالبنية الي وياهم!!

عاد الحين نيي حق البنية و شلابسة و شتسوي:

البنت .. لابسة جينز و بوت.. و بلوزة قصيــــــــرة!! يعني البطن طالع..

و لازقة بالكويتي بشكل مو طبيعي

تلمم.. و حالة!!

طبعا انا و الي معاي طقنة البوهه!.. يعني هل يعقل ان يكون زوجها مثلا؟؟ انزين لو كان كذلك.. ما تصير عنده غارية على زوجتة جدام

الرياييل الي معاه!! .. طايحلة غشمرة و يطقها على جتفها و مادري شنو!!

ماقدر اقول شنو سوه بعد.. بس جد وايد اشياء اتفشلللللللللل!!

انت حر سو الي تبيه .. بس على الأقل احترم الزي الي انت لابسه! .. احترم وجود الناس الي حولك

!!يعني لو هو اجنبي جان محد استنكر.. حتى الي معاه الاجانب اذرب و اتكن منه

الناس الي حوالينه مستغربين منه!!


مادري.. انتوا شرايكم؟

هل تتفقون معاي ان الزي الكويتي مفروض يكون له هيبته و احترامه؟؟

و شكرا

My dear Computer!

مرحبا جميعا..

صج صج انما الأعمال بالنيات.. سئلوني ليش؟

هـــــــــــــــــــــــا سألتوا ليش..

أنا اقولكم ليش

أول ما توظفت حطوني بادارة ما ابيها.. لكن صبرت على الظيم الي هناك و أكرف كراف الشر و كنت اتنقل من كمبيوتر لي كمبيوتر ..

!!الى ان يابولي كمبيوتر جديد بعد 6 شهور

بس انا من داخلي كلش مو مرتاحة من طبيعة الشغل و عيني على ادارة ثانية و قعدت افكر مدة شلون اقدر انتقل، لأن مسؤولي وايد شاد الظهر فيني و مشتط و مو مصدق اني شاغولة و افهمه من اول ما يقول المعلومة

المهم شاء الرحمن ان وحدة من الادارة الي ابيها تبي تنتقل ادارتي.. و ادارتها يبون احد ياخذ مكانها.. فهاذي كانت فرصتي و صارت و لله الحمد طبعا بعد معاناة مع مسؤولي

طبعا هذا كان مقدمة للموضوع الاساسي الي هو،

ان الموظفة الي يت ادارتي يابت وياها كل أغراضها بما فيهم الخط و الكمبيوتر

و في المقابل انا مو راضين اخذ جهازي!!!

المهم حاولت بشتى الطرق اني أخذه ماكو فيدة عصلقوا علي

و عذرهم ان الجهز عهدة على الادارة و ليس الموظف و

blah blah blah

انا استسلمت و قلت ما يسوى اسوي هوليلا على كمبيوتر يا علهم الفقر

قلت استخدم جهاز قديم مال موظف ماخذ اجازة طويلة على ما يطلبونلي جهاز يديد

بعد فترة .. دق علي مسؤولي القديم يبي My login and password

فوق شينة قوات عينة

و انا بكل سذاجة عطيته عشان يستخدمون جهازي

و كنت حدي محترة و اقول يا ربي عطني على نيتي

____________________

أمس يمر علي واحد من

IT department

هو: وين جهازج ؟؟

أنا:(حدي محترة ) مو راضين يعطونياه

هو : شكو! مو بكيفهم هذا عهدة عليج

أنا: بعد شسوي ، انذليت و انا ادابج، ما بقى احد ما عرضت ويهي حقة و اندقر، فا ألحين اطلبولي جهاز يديد

هو: بيـــــــــــــــــــــــــــــه ، جهاز يديد ياخذ مدة طويلة على ما اييــــبونة و حتى لو ايي ما راح يكون باسمج لأن اساسا عندج كمبيوتر بأسمج

!!أنا: انزين شسوي الحين

هو: انا الي بسوي صبري علي شوي

أنا: (بيني و بين نفسي، سبحان الله شلون ربي سخره لي و انا ما تحجيت و لا قلتله!! و هو ياي يسلم بس(

رجع الريال

هو: انا كلمتلج الادارة المالية و أكدولي ان الجهاز لج، و الحين جدامي كلميهم و تأكدي و انا كاني ناطرج

أنا (اتصل على المالية):مرحبا اخوي ، قصتي كذا كذا

المالية: الجهاز لج و باسمج و تقدرين الحين تشلعين وايراته و محد يقدر يكلمج

أنا : (صكرتة و مو مصدقة(

هو: مو قلتلج

أنا: انزين الحين شلو؟؟

هو : ما عليج انا اتصرف

طبعا انا للحين مصدومة و ماني مصقة

___________________________

اليوم دق علي الشخص الي ياني امس

هو: ترى وصلنا السالفة حق ذروتها، كلمت المالية و كلمو ادارتج القديمة و قاموا يلفون و يدورون

و قالو ان في موظفين يدد و ان الجهاز لنا و و و

!!!لكن سكتوهم و ان شاء الله الجهاز عندج اذا مو باجر ، فالاسبوع الياي بالكثيـــــــــــــــــــر

أنا: والله صج!! مشكور و ما قصرت، ترى كنت غاسلة ايدي من السالفة

هو: لا افا عليج اختي، ما يضيع حق وراه مطالب

ابيــــه جد جد جد كنت فاقدة الأمل و مستصغرة نفسي اني اطالب فيه، لكن صج ربي ما يضيع !!

ربي لك الحمد على كل شي :)

أرضانا.. فارضى عنه يا الله

فتحت عيني على الدنيا و أنت ابوي.. انت بابا جابر..

ابتسامتك ما تفارقنا

نحس فيك و بحبك بكل بيت بدون لا تدش فيه..

يبه .. ولهانة عليك .. مرت سنة على غيابك ما مر فيها يوم بدون ذكراك

يبه .. للحين لما أمر على دسمان أئشر و أقول هذابيت الأمير.. هذا بيت بابا جابر

ولأنك ما غبت عن قلوبنا، انسى انك غبت عن هالبيت.. و غبت عن الديرة.. و غبت عن الدنيا..

يبه فقدنا حنانك

فقدنا حبك

فقدنا بركة وجودك

فقدنا بشتك الي كان مغطينا و حامينا

!يبه فقدتك

طول عمري .. اتمنى اشوفك و اقعد معاك.. بس مر العمر.. و شاء القدر ان ما يجمعني فيك بالدنيا، لكن أسأل الرحمن عز و جل ان يرحمك

و يرحمنا برحمته و يجمعنا وياك بالفردوس الاعلى

أميـــــــــــــــــن

يبه .. تراك كفيت و وفيت

و محلل ثم محلل ثم محلل

اللهم اجعل قبره روض من رياض الجنة

ولا تجعله حفرة من حفر النار.. انك ارحم الراحمين

محــتــــاج لهــــــا

..مرحبا جميعا

وايد احب
محتــــــــــــــــــــــــــــــــــــــاج لهــــــــــــــــــــــــــــــــــا



أغنية حدها مزاج و

Lawyer أقترح على اختي

أن تستوحي منها قصة باسلوبها المفصل الجميــــل

هالاغنية مليئة بالاحاسيس الجميلة الي تتمناها كل امرأة من حبيبها\زوجها


!الاغنية قديمة .. بس ما ينمل منها

ابدع فيها عبدو

غناها بكل احساس

كما ابدع في تسطيرها الكاتب بدر بورسلي

:اليكم كلماتها

محتاج لها .. تروي حياتي بهمسها

هي الحياة بالنسبة لي..

بحلوها و بمرها..

محتاج لهـــــــــــــــــــــــــــــا

لا شفتها قلبي خفق و عمري نطق

اردد بنشوة اسمهـــــــــا

و اخذني فووووق

هذا الي خذتو منها

أمشـــــــي بشــــــوق

و أحكي بشــــــــــــوق

و أسكت بشـــــــوق

دايم أخايل رسمهـــــا

هي الحياة بالنسبة لي .. هي الحياة

بحلوها و بمرها

محتاج لهـــــــــــــــــا

محتـــــــــــــــــــــــــاج لها

تقــــــول يا عمـــــري تعـــــــال

تاخذني في جنح الخيال

و اطير أطير.. من فرحتي أطيــــر

يا دنيتي أطيــــــــــــــــر

ما أبغى شي .. ما أبغى شي

كــــــافي علييي كلمة

أحـــــبـــــــــــــــــــــــــــــــــك

!بالعدال

هي الحياة بالنسبة لي .. هي الحياة

بحلوها و بمرها

مجتــــــــــــــــــاج لـــــــهـــــــــــــا

و شكرا :)

Couple mirror

Do we call it LOVE?